បេក្ខជនដែលអាចចូលរួម "ប្រឡងមូលដ្ឋានគ្រឹះភាសាជប៉ុនរបស់មូលនិធិជប៉ុន" (តទៅនេះហៅថា"ការប្រឡងនេះ") មានដូចតទៅ។

(1) បេក្ខជនដែលមានភាសាកំណើតមិនមែនជាភាសាជប៉ុន។
(2) ចំពោះបេក្ខជនដែលមានសញ្ជាតិឥណ្ឌូនេស៊ី គួរតែមានអាយុ ១៨ ឆ្នាំឡើងទៅគិតត្រឹមថ្ងៃប្រឡងដោយរាប់អាយុតាមប្រតិទិនលោកខាងលិច។
(3) ចំពោះអ្នកដែលមានសញ្ជាតិមីយ៉ាន់ម៉ា គួរតែមានអាយុចាប់ពី ១៧ ឆ្នាំឡើងទៅគិតត្រឹមថ្ងៃប្រឡងដោយរាប់អាយុតាមប្រតិទិនលោកខាងលិច។
(4) បន្ថែមលើចំណុច (១) ដល់ (៣) ខាងលើ អ្នកដែលធ្វើការប្រឡងនេះនៅប្រទេសជប៉ុន ត្រូវមានសិទ្ធិស្នាក់នៅក្នុងប្រទេសជប៉ុន (ទិដ្ឋាការស្នាក់នៅរយៈពេលខ្លីក៏អាចទទួលយកបានដែរ)។

1. មូលនិធិជប៉ុននឹងរក្សារាល់ព័ត៌មានផ្ទាល់ខ្លួនដែលបេក្ខជនបានប្រើដើម្បីបំពេញពាក្យចុះឈ្មោះប្រឡងតេស្ដនេះ ឲ្យបានសមស្របទៅតាមច្បាប់របស់ជប៉ុនស្ដីពីការការពារព័ត៌មានឯកជន ឬច្បាប់និងគោលការណ៍ដែលពាក់ព័ន្ធផ្សេងៗទៀត ហើយមូលនិធិនឹងប្រើព័ត៌មានទាំងនេះសម្រាប់តែគោលបំណងដែលទាក់ទងនឹងការប្រឡងនេះតែមួយមុខគត់។ ព័ត៌មានផ្សេងទៀត ដូចជាព័ត៌មានដែលបានប្រើសម្រាប់ការចុះឈ្មោះប្រឡង និងលទ្ធផលពិន្ទុប្រឡង មូលនិធិជប៉ុននឹងប្រើសម្រាប់តែការវិភាគស្ថិតិ សិក្សាស្រាវជ្រាវ ឬការបណ្ដុះបណ្ដាលដែលទាក់ទងទៅនឹងការប្រឡងនេះ តាមនីតិវិធីដែលមិនបង្ហាញអត្តសញ្ញាណបេក្ខជនឡើយ។ មូលនិធិជប៉ុននឹងមិនបង្ហាញព័ត៌មានដែលបានពីបេក្ខជនឬបង្ហាញអត្តសញ្ញាណបេក្ខជនទៅអោយភាគគីទីបីណាមួយឡើយ។ យ៉ាងណាមិញ វិធានការនេះមានករណីលើកលែងចំនួនបីខាងក្រោមនេះ:
   • នៅក្នុងស្ថានភាពដែលព័ត៌មាននេះត្រូវបានគេស្នើសុំដោយអាស្រ័យលើមូលដ្ឋានច្បាប់
   • នៅក្នុងស្ថានភាពដែលការអនុញ្ញាតឲ្យផ្ដល់ព័ត៌មានមានការទទួលបានជាមុនពីអ្នកផ្ដល់ព័ត៌មាន
   • នៅក្នុងស្ថានភាពដែលព័ត៌មាននេះត្រូវបានគេបើកចំហក្នុងវិសាលភាពដែលសំខាន់ចាំបាច់ត្រូវបំពេញកិច្ចការដែលមូលនិធិជប៉ុនបានប្រគល់ឲ្យក្រុមអ្នកម៉ៅការជាដើម ដើម្បីឲ្យទទួលរ៉ាប់រងដំណើរការព័ត៌មានដែលប្រមូលបាន
2. សំណើសុំទទួលបានការជូនដំណឹងណាមួយអំពីគោលបំណងនៃការប្រើប្រាស់ព័ត៌មានផ្ទាល់ខ្លួនដែលបានបញ្ជូនដើម្បីចុះបញ្ជី/ឈ្មោះសុំចូលប្រឡងនេះ បើកចំហព័ត៌មាន កែតម្រូវខ្លឹមសារ បន្ថែមបន្ថយ ឬបន្ថយ (លុបចោល) ព័ត៌មាន បញ្ឈប់ការប្រើប្រាស់ព័ត៌មាន លុបចេញនូវព័ត៌មាន និងទប់ស្កាត់ការផ្ដល់ព័ត៌មានដល់ភាគីទីបី នឹងមានការកាន់កាប់ប្រើប្រាស់ដោយអាស្រ័យលើគោលការណ៍ការពារព័ត៌មានផ្ទាល់ខ្លួនរបស់មូលនិធិជប៉ុន។ ព័ត៌មានផ្ទាល់ខ្លួនដែលទទួលបាន គ្រាន់តែមានការប្រើនៅក្នុងដែនដែលបុគ្គលបានផ្ដល់ការយល់ព្រមឲ្យតែប៉ុណ្ណោះ។
3. មូលនិធិជប៉ុនដាក់ឲ្យមាននូវដំណើរការប្រើវិធានការគ្រប់គ្រងបញ្ហាសុវត្ថិភាពឲ្យបានសមរម្យត្រឹមត្រូវចំពោះក្រុមអ្នកម៉ៅការ នៅពេលកំពុងផ្ដល់ឲ្យក្រុមអ្នកម៉ៅការនូវការប្រើប្រាស់ព័ត៌មានផ្ទាល់ខ្លួននៅក្នុងវិសាលភាពដែលបានពោលខាងដើមសម្រាប់គោលបំណងនៃការប្រើប្រាស់ព័ត៌មានផ្ទាល់ខ្លួន។
4. បើមានការស្នើសុំយ៉ាងដូច្នោះដោយអង្គការនៃរដ្ឋាភិបាលជប៉ុន ឬរបស់ប្រទេសដែលគេកំពុងធ្វើការប្រឡងនេះ មូលនិធិជប៉ុនត្រូវបញ្ចេញនូវព័ត៌មានផ្ទាល់ខ្លួនរបស់ម្ចាស់សំណើ/អ្នកដាក់ពាក្យស្នើសុំ ហើយនិងលទ្ធផលនៃការប្រឡងរបស់ពួកគេជូនទៅអង្គការរដ្ឋាភិបាលដែលពាក់ព័ន្ធ។
5. មូលនិធិជប៉ុននឹងឆ្លើយតបចំពោះការសាកសួរអំពីការផ្ទៀងផ្ទាត់ភាពត្រឹមត្រូវចំពោះលិខិតជូនដំណឹងស្ដីពីលទ្ធផលលើការប្រឡងនេះពីបណ្ដាទីអង្គការរដ្ឋាភិបាលជប៉ុន ឬប្រទេសផ្សេងៗទៀត, គ្រឹះស្ថានអប់រំដែលមានដូចជាសាកលវិទ្យាល័យនានា, សាជីវកម្ម, អង្គការ/អង្គភាពផ្សេងៗទៀតដែលការសាកសួរត្រូវបានគេធ្វើឡើងសម្រាប់ហេតុផលសមរម្យត្រឹមត្រូវ។